La Paz, 19 Mayo — Aka qhipha pachanakanxa taqinsa amuykayawa pachaxa turkawayi. Ukakipanxa khitinakatixa yapumpi uywampi irnaqirinakaxa wali llakt’atawa jikxatasipxi. Uka llakixa utjiwa kunatixa uywa manq’anakaxa pist’irjamatapata.
Aksa tuqitxa Basilio Ticona jilatampiwa aruskipata, suyu Pacajes uksatawa jupaxa, sarakiwa: “ aka maranxa jalluxa qhiphakiwa puriwayxi ukhamakipanxa janiwa phuqt’ata uywa manq’axa alsuwayxiti ukatxa sapuruna uywaxa manq’askipana ukhamaraki awatita awatitarjamaxa uywa manq’anakaxa mä qawqha pachanakanakwa liju q’arstawayxi”.
Ukhamanaka utjkipanxa aka markasanxa kunaymana suyunakana uywachirinakaxa yanapanaka utjañapa mayipxi, ukasti alfa, siwara, juk’ampinaka achuyañataki. Taqi jupanakaxa uywachawinakampikiwa qullqi tuqixa yanapt’asipxi.. Uksatxa kullaka Simona Mamani suyu Pacajes tuqinkirixa mayiwayiwa: “ wakisispawa irpirinakasaxa uywanakana manq’anakapa jani pist’askañapataki kunaymana uywa manq’anaka achuyañataki yanapapxitaspa, kunatixa janiwa uywa manq’akixa pistkiti yaqhipa chiqanakanxa umasa waña pachanxa pist’iwa, ukhama wali ch’amakiwa uywachañaxa”.
Mary Tuco / EAN Aymara