La Paz, 11 Mayo — Aymaranakaxa kunaymana sarawinaka chikañchayaptanxa. Uka taypinkiwa apthapi satakisa ukaxa. Kawkiritixa nayra pachanakatpacha phuqhayata jikxatasiwayi. Kunarusa apthapi uñt’anxa, jisa apthapixa quqt’asiñataki kunaymana achuwinaka phayt’asina apthapiwiwa. Akaxa phuqhatawa kunaymana jisk’a jach’a tantachawinakana. Mä apthapinxa walja kasta achunakawa manq’añatakixa utji. Uka achunakaxa suni, junt’u ukatxa thaya uraqinakana achuxa
Jilata Victor Lopez suyu Murillo tuqinkirixa kimsa kasta apthapinaka utjatapata qhananchistu. “Mayaxa jach’a apthapi ukaxa jach’a mathapiwinakana walja jaqinakampiwa phuqhataxa. Payiristi taypi apthapi ukasti mä suyuna, mä aylluna tantachawinakapana chikañchayatarakixa. Kimsiristi jisk’a apthapi ukanxa juk’a jaqinakakiwa qutuchasispa quqt’asiñataki”. Qhipharuxa jilata Lopez sarakiwa: “aka apthapixa jilpàchaxa aymaranaka qhichwanakawa phuqhayaptanxa”.
Apthapixa jichhurunakaxa wali uñt’ataxiwa suyunakansa jani ukasti jach’a markanakansa phuqhatawa.
Mary Tuco / EAN Aymara