La Paz, 15 Mayo — Llatunk tunka llatunkani utanakwa Qullasuyu markasana irpirinakaxa municipio Calacoto suyu Pacajes Departamento de La Paz tuqina lurt’awayapxatayna. Uka utanakaxa kunaymana ayllunakankiwa..
Uka llatunk tunka llatunkani utanakatxa ch’ama qarita kullaka jilanakatxa tunka suxtaniwa katuqawayapxi, tayka sapanakatsti (madres solteras) tunka pusiniraki, awki sapanakatsti (padres solteros) mayniki, janchita usutanakatxa maynikiwa katuqawayi. Aka utanakaxa utjañpachakiwa lurt’ata. Uka llatunk tunka llatunkani utanaka lurt’atañapatakixa suxta millones jila bolivianos qullqinakawa irtata utjawayatayna.
Qhiphariri tunka kimsani urunakakipana llamayu phaxsinawa tayka marka Ulluma tuqina irpirinakaxa mä jach’a wakt’awi tuqi luqt’awayapxi. Ukampisa sullka irpiri aka Qullasuyu markasata Alvaro Garcia Linera jilataxa uka utanaka luqtkasinxa sawayiwa: “ aka utanakampixa pìsinkirinakaruwa yanapt’ata”. Markachirinakaxa wali k’uchikiwa katuqt’awayapxi. Jupanakaxa mayiwayapxarakiwa juk’ampi utanaka utjaspana ukhamana taqinisa yanapatapxañapataki.
Mary Tuco / EAN Aymara