Chukiagu markasaxa aka phaxsinxa  pä pataka kimsaqallquni maranaka  Grito Libertario utjatapata amtani

 

La Paz, 10 Jul. — Aka jutiri  tunka suxtani urunaka maykipawaykipana  aka  willka kuti  phaxsinxa  Chukiagu markaxa pä pataka kimsaqallquni  maranaka  grito libertario  uka ch’axwawinaka aski jakaña jikxatañataki t’akutapa amtani. Jiwasaxa suyunakapata yatxatañani.

URAQIPANA JALJAWI

Departamento La Paz sata  markasaxa chiqasa pä tunka suyuniwa. Uka taypinxa  municipios,  markanakaru,  ayllunakaru  jaljatawa.. Uka suyunakaxa junt’u,  qhirwa ukhamaraki  thaya uraqinakawa.

ACHUWI UKHAMARAKI UYWACHAWI

Aka markanxa kunaymana achunakawa achuqt’i kunatixa  muxsa, ch’uxña achunaka, juyranaka uka kipkarakiwa  kunaymana uywanakasa  uywachatarakixa.

ARUNAKAPA

Aka markanxa jilpachaxa markachirinakaxa  kimsa pusi arunakata arst’asiripxiwa kunatixa  castellano wasa aruta,  ingles sata anqaxa markankiri aruta ukampisa  qhichwa uka kipkaraki aymara aruta arst’asiripxiwa.

SARAWINAKAPA

Aka   markanxa aymaranaka ukhamaraki qhichwanakaxa qamasipkipanxa  kunaymana sarawinakanipxiwa. Pachamamaruwa yäqapxi achuqt’ayatapa achunaka. Uka yäqawixa wilanchanakampi, waxt’anakampi, astanakampi  yupaychasina.

PHUST’AWINAKAPA UKHAMARAKI ISISIWINAKAPA

Phust’awinakapa  pachan pachaniwa sañani:  thaya pachatakixa utji, juyphi pachatakixa utji, jallu pachatakixa utji, juk’ampinakampi ukasti askina yapuchawiru  ch’amanchasina. Isisiwinakapaxa  pachpa  amparanakapampi  ukhamaraki uywanakapana t’arwanakapata lurt’atawa.

EAN Ayamara / Mary Tuco