El Alto ,29 Mayo (EAN).- Aka kimsa tunka urunaka maykipkipana llamayu mayo phaxsita jach’a marka originaria Viacha suxta tunka kimsani maranaka ut’asitapata phuqhawayani. Ut’asiwayataynawa khaya mä waranqa llatunka pataka phisqha tunka pusini marana, akhama sutimpi “Sub Central Provincial” ukasti Central Obrera Boliviana ukana chikañchatanwa
Jichhurunakaxa aka jach’a markaxa walja markachirinakanixiwa ukampisa suxta tunka ayllunakaniwa ukatsti wali qamasani markawa, ukampisa nayriri jiliri irpirixa Qullana Norte Viacha markatanwa ukhamarakiwa Federacion Departamental Tupaj Katari La Paa ut’ayawayana, ukaxa chinuqa enero phaxsina mä waranqa llatunka pataka paqalqtunka kimsaqalquni marana ukhama utjawayana Ukatxa aka markanxa chiqasa kunaymana ayllunakanxa uywampi yapumpi ukhamawa qamasipjixa, mä juk’akiwa yapuchawixa utjixa.
Jichhaxa aka ut’asitapa amt’añatakixa kimsa tunka urunakakipana aka phaxsina chiqasa mä aski wakichawimpiwa chikañchayatani. Ukanxa sapa ayllunakawa kunatixa thuqt’awinakapa ukhamaraki isisiwinakapa uñacht’ayapxani. Aksa tuqitxa qillqiri mallku jach’a Marka Originaria Viacha tuqinkiri Marcial Canaviri jilataxa siwa “ jawillt’ataptawa aka jach’a amtawina mä wawaru tukt’asina qamart’añataki”.
QILLQIRI: MARY TUCO